بیجنگ: (ویب ڈیسک) چین نے ٹیکنالوجی اور کھیلوں کو یکجا کرتے ہوئے ایک منفرد ایونٹ کا انعقاد کیا ہے جس میں روبوٹس پر مبنی سپورٹس مقابلے کرائے گئے جس میں ریسلنگ بھی شامل تھی۔
اس ایونٹ میں مختلف اقسام کے روبوٹس نے حصہ لیا، جنہیں خصوصی طور پر دوڑنے، فٹبال کھیلنے، ریسلنگ اور دیگر گیمز کیلئے ڈیزائن کیا گیا تھا، گراؤنڈ میں موجود تماشائیوں نے حیرت اور جوش کے ساتھ دیکھا کہ کس طرح روبوٹس انسانی کھلاڑیوں کی طرح میدان میں کارکردگی دکھا رہے ہیں۔
سپورٹس روبوٹس میں چھوٹے سائز کے فٹبال کھیلنے والے روبوٹس، ریسلنگ اور لڑائی کیلئے تیار روبوٹس اور دوڑنے والے مشینی کھلاڑی شامل تھے۔
چینی ماہرین کے مطابق اس طرح کے مقابلے نہ صرف نوجوانوں کو سائنس کی طرف راغب کرتے ہیں بلکہ مستقبل کے ’’سپورٹس اور تفریحی روبوٹک مقابلوں‘‘ کی بنیاد بھی رکھ رہے ہیں۔
یہ ایونٹ تیزی سے مقبول ہوا ہے اور سوشل میڈیا پر بھی ٹرینڈ کر رہا ہے، جہاں صارفین نے کہا کہ یہ ای سپورٹس کے بعد روبو سپورٹس کا نیا دور ہے۔
