لدھیانہ: (ویب ڈیسک) بھارتی صوبہ پنجاب کے شہر لدھیانہ میں ڈاکوؤں سے بچنے کیلئے خاتون رکشے سے لٹک گئی، جس کی ویڈیو نے سوشل میڈیا پر دھوم مچا دی۔
انڈین میڈیا رپورٹ کے مطابق بھارتی پنجاب کے شہر لدھیانہ میں خاتون آٹو ڈرائیور کے بھیس میں مسلح ڈاکوؤں سے خود کو بچانے کیلئے آٹو رکشہ سے لٹک گئی۔
رپورٹ کے مطابق 32 سالہ خاتون مینا کماری گاؤں جانے کیلئے رکشے میں سوار ہوئیں، رکشے میں پہلے سے موجود خواتین کے بھیس میں 3 افراد نے مینا کے ہاتھ باندھ کر اسے لوٹنے کی کوشش کی، ان افراد میں ایک ڈرائیور اور دو مسافر شامل تھے۔
— Rahul Shivshankar (@RShivshankar) September 10, 2025
جب رکشہ لدھیانہ بائی پاس کے قریب پہنچا، ایک مسافر نے ڈرائیور کو رکشہ سست کرنے کا کہا اور فوری طور پر دونوں مسافروں نے مینا کماری کو تیز دھار آلے دکھا کر لوٹنے کی کوشش کی، لیکن مینا نے خوف کے بجائے فوری طور پر رکشے کے کھلے حصے سے باہر لٹک کر اپنی زندگی بچانے کی کوشش کی۔
خاتون فرار ہونے کی کوشش کرتے ہوئے رکشے سے لٹک گئی اور مسافروں سے مدد کی اپیل کرنے لگی۔
بعدازاں وہاں موجود راہگیروں نے دو ڈاکوؤں کو پکڑ کر ہائی وے پولیس کے حوالے کر دیا جبکہ تیسرا ڈاکو فرار ہوگیا، خاتون کی بہادری نے ناصرف اسے بچایا بلکہ ڈاکوؤں کی گرفتاری کا باعث بھی بنی۔
