نیویارک:(دنیا نیوز) امریکہ کے علاقے پلیٹس برگ میں ایک رہائشی کے گھر کے سامنے نصب سکیورٹی کیمرے نے ایک منفرد پورچ پائرٹ کو رنگے ہاتھوں پکڑ لیا، یہ چور کوئی انسان نہیں بلکہ ایک بھوکا ریکون تھا۔
امریکی میڈیا کی رپورٹ کے مطابق گھر کے مالک نے 93 ڈالر مالیت کا پالتو جانوروں کا کھانا فیڈ ایکس کو واپس کرنے کے لیے پورچ پر موجود ڈبے میں رکھ دیا تھا، مگر ایک ریکون نے منصوبہ بگاڑ دیا۔
کیمرے میں قید ویڈیو میں دیکھا جا سکتا ہے کہ یہ جانور ڈبے کو پھاڑ کر مزے سے کھانے لگ گیا۔
رہائشی نے بتایا کہ ریکون اگلی راتوں میں بھی میل بن کے قریب واپس آتا رہا تاکہ مزید کھانے کی تلاش کرسکےجب کہ فوڈ کمپنی نے صورتِ حال سمجھنے کے بعد مکمل ریفنڈ جاری کردیا۔
واضح رہے کہ ایسا واقعہ 2024 میں ٹیکساس میں بھی ہوا تھا جب ایک اوپوسم نے دروازے پر رکھے کوکیز کے پیکٹ چرا کر مزے لوٹے تھے، اس موقع پر پولیس نے بھی سوشل میڈیا پر ویڈیو شیئر کر کے مزاحیہ تبصرے کیے۔
