بیلجیئم پولیس پر حملہ، فائرنگ سے 3 اہلکار ہلاک، حملہ آور بھی مارا گیا

Last Updated On 30 May,2018 08:56 am

برسلز: (دنیا نیوز) بیلجیئم کے شہر لیگ میں پولیس اہلکاروں پر فائرنگ سے 3 اہلکار جان سے ہاتھ دھو بیٹھے، جوابی فائرنگ میں حملہ آور مارا گیا۔

اہلکاروں کی ہلاکت کا واقعہ بیلجیئم کے شہر لیگ میں پیش آیا جہاں نامعلوم حملہ آور نے پولیس پر اچانک فائر کھول دیا۔ 3 پولیس اہلکار موقع پر ہی ہلاک ہو گئے تاہم دیگر نے چھپ کر جان بچائی اور بعد ازاں پوزیشن سنبھال کر حملہ آور کو بھی مار ڈالا۔ بیلجیئم پولیس کے مطابق تحقیقات کے بعد ہی واردات کے اصل محرکات کے بارے پتہ چل سکے گا۔