ممبی : (دنیا نیوز) بھارت کے معاشی دارالحکومت ممبئی میں مون سون کی پہلی بارش سے نظام زندگی مفلوج ہو گیا۔ شہر میں بجلی معطل، بیشتر علاقوں میں پانی جمع ہونے سے ٹرینوں اور پروازوں کا شیڈول بری طرح متاثر ہوا۔ محکمہ موسمیات نے مزید بارش کی پیش گوئی کر دی۔
تیز ہوا کے ساتھ آنے والی بارش نے درختوں کی شاخیں توڑ ڈالیں جس سے بجلی کی فراہمی معطل ہو گئی۔ سڑکوں پر پانی جمع ہونے سے ٹریفک کی روانی شدید متاثر ہوئی، موٹرسائیکل اور اسکوٹر سوار اپنی سواریوں کو پانی میں گھسیٹتے دکھائی دیئے تاہم کسی کے زخمی یا ہلاک ہونے کی اطلاع نہیں ملی۔ ٹرنیوں کی آمدورفت اور پروازوں کا شیڈول درہم برہم ہو گیا۔ محکمہ موسمیات نے اگلے دو روز مزید بارشوں کی پیش گوئی کی ہے۔
