واشنگٹن: (ویب ڈیسک) امریکی ریاست نیو یارک میں ہولناک ٹریفک حادثے میں 18 باراتیوں سمیت 20 افراد ہلاک ہو گئے۔
غیر ملکی میڈیا کے مطابق حادثہ نیو یارک کے دیہی علاقے اسکوہیری میں پیش آیا۔پولیس کے مطابق لیموزین کار انٹر سیکشن پر رکنے کے بجائے بے قابو ہو کر ایک اسٹور کی پارکنگ لاٹ میں جا گھسی۔
لیموزین میں ڈرائیور سمیت 18 باراتی سوار تھے جو سب کے سب ہلاک ہوگئے، دو راہگیر بھی کار کی زد میں آکر ہلاک ہوئے۔ 2009ء کے بعد امریکا میں ٹرانسپورٹ کا یہ بدترین حادثہ ہے، 2009ء میں بفیلو میں طیارہ گرنے سے انچاس افراد ہلاک ہوئے تھے۔
