واشنگٹن: (دنیا نیوز) امریکی ریاست ٹیکساس میں فائرنگ سے پانچ افراد ہلاک اور 21 زخمی ہو گئے، پولیس نے سفید فام مشتبہ شخص کو گولی مار کر ہلاک کر دیا۔
پولیس کے مطابق ہائی وے پر جب ایک ٹرک کو روکا گیا تو اس نے پولیس آفیسر پر فائرنگ کر دی۔ مسلح شخص نے ٹیکساس کے شہروں مڈ لینڈ اور اوڈیسا کے درمیانی علاقے میں گاڑی چلاتے ہوئے لوگوں پر فائرنگ کی۔
پولیس کا کہنا ہے کہ سفید فام مشتبہ شخص کو گولی مار کر ہلاک کردیا گیا ہے تاہم دوسرے مشتبہ افراد کے بارے میں تفتیش جاری ہے۔ پولیس کے مطابق زخمیوں میں پولیس اہلکار بھی شامل ہیں۔
