کابل: (دنیا نیوز) افغانستان کے صوبے لوگر میں چار ججوں کو موت کے گھاٹ اُتار دیا گیا۔
افغانستان کے خبر رساں ادارے ’’طلوع نیوز‘‘ کے مطابق ملکی چار ججوں کو اس وقت موت کے گھاٹ اتارا گیا جب وہ پکتیا صوبے سے افغان دارالحکومت کابل میں اپنے گھر جا رہےتھے۔
پولیس کا کہنا ہے کہ چاروں ججوں پر حملہ افغان طالبان کی طرف سے کیا گیا۔ پولیس نے معاملے کی تحقیقات کا آغاز کر دیا۔
افغان میڈیا کے مطابق تاحال افغان طالبان کی طرف سے واقعہ پر کسی قسم کا رد عمل نہیں آیا۔
افغان خبر رساں ادارے کے مطابق بدغیس میں باروی سرنگ دھماکے کے دوران 6 پولیس اہلکار زندگی کی بازی ہار گئے ہیں۔
