نئی دہلی: (دنیا نیوز) امریکی صدر ڈونلڈ ٹرمپ کے دورہ بھارت کے دوران ایمنسٹی انٹرنیشنل نے شدید تحفظات کا اظہار کر دیا۔
ایمنسٹی انٹرنیشنل کے مطابق بھارتی وزیراعظم نریندرا مودی اور امریکی صدر ڈونلڈ ٹرمپ دونوں کی حکومتیں مسلمان مخالف جذبات اورپالیسیاں رکھتی ہیں۔
عالمی ادارے کا کہنا ہے کہ دہائیوں تک امریکا بھارت تعلقات انسانی حقوق کی عظمت اورانسانی احترام پر مبنی تھے، اب تمام مشترکہ اقدار تعصب، امتیازی سلوک اور پناہ گزینوں سے متعلق دشمنی پر مبنی ہیں۔
The Modi-Trump meeting highlights anti-Muslim sentiment in both govts policies. For decades, USA-India relationship was anchored by claims of shared values of human rights. Now, those shared values are discrimination, bigotry & hostility towards refugees & asylum seekers
— Amnesty International (@amnesty) February 24, 2020
ایمنسٹی انٹرنیشنل کا مزید کہنا تھا کہ مقبوضہ کشمیرمیں انٹرنیٹ کی بندش اور لاک ڈاؤن کئی ماہ سے جاری ہے، شہریت کا قانون اور مظاہرین پر تشدد قیادت میں ہمدردی کے فقدان کو ظاہرکرتی ہے۔
عالمی ادارے نے امریکی صدر ڈونلڈ ٹرمپ اوربھارتی وزیراعظم نریندرا مودی کو باہمی گفتگو کے ذریعے انسانی حقوق کے بارے میں خدشات دور کرنے پر زور دیا ہے۔
