کابل: (ویب ڈیسک) پاکستان انٹرنیشنل ایئرلائنز (پی آئی اے) کا لاہور سے کراچی آنے والا مسافر طیارہ اے 320 ایئربس جناح انٹرنیشنل ایئر پورٹ کراچی کے قریب رہائشی علاقے میں گر کر تباہ ہوگیا۔ طیارہ تباہ ہونے کے بعد عالمی رہنماؤں نے افسوس کا اظہار کیا ہے۔
سماجی رابطے کی ویب سائٹ ٹویٹر پر ٹویٹ کرتے ہوئے افغان صدر اشرف غنی کا کہنا تھا کہ طیارہ حادثے میں جاں بحق ہونے والوں کے لواحقین کے دکھ میں شریک ہیں، غم کے اس موقع پر افغان قوم پاکستان کے ساتھ ہے۔
My heart goes out to the families of victims who lost their lives in the PIA plane crash in Karachi. I offer my sincere commiserations to the people and the government of Pakistan. Afghans stand with you in this moment of grief.
— Ashraf Ghani (@ashrafghani) May 22, 2020
ایرانی میڈیا کے مطابق ایران کے صدر مملکت حسن روحانی نے کراچی میں گرنے والے طیارے حادثے، جس کے نتیجے میں دسیوں افراد جاں بحق ہوگئے ہیں، پر وزیراعظم عمران خان کے نام میں ایک پیغام میں پاکستانی حکومت اور عوام بالخصوص حادثے کے لواحقین سے ہمدردی کا اظہار کردیا۔
اس سے پہلے ایرانی محکمہ خارجہ کے ترجمان سید عباس موسوی نے بھی ایک پیغام میں طیارے حادثے میں جاں بحق اور زخمی ہونے والوں کے اہل خانوں سے گہرے ہمدردی کا اظہار کیا تھا۔
اسلام آباد میں امریکی چارج ڈی افیئرز کا کہنا تھا کہ امریکی سفارتخانہ کی جانب سے میں تعزیت کا اظہار کرتا ہوں۔
دوسری طرف بھارتی وزیراعظم نریندرا مودی نے بھی طیارہ حادثے پر افسوس کا اظہار کیا ہے۔
Deeply saddened by the loss of life due to a plane crash in Pakistan. Our condolences to the families of the deceased, and wishing speedy recovery to those injured.
— Narendra Modi (@narendramodi) May 22, 2020
ان کا کہنا تھا کہ پاکستان میں طیارہ حادثے سے قیمتی جانوں کے ضیاع پر دکھ ہوا، لواحقین سے تعزیت اور زخمیوں کی جلد صحتیابی کے لیے دعاگو ہیں۔
کینیڈین وزیراعظم جسٹن ٹروڈو نے سماجی رابطے کی ویب سائٹ ٹویٹر پر طیارہ حادثے پر افسوس کا اظہار کیا۔
The news from Pakistan this morning is devastating. To the families and friends of those who lost their lives in the crash of PK 8303, and to everyone affected by this terrible tragedy, our hearts go out to you. Canadians are keeping you in our thoughts today.
— Justin Trudeau (@JustinTrudeau) May 22, 2020
ٹویٹر پر انہوں نے مزید لکھا کہ آج صبح پاکستان سے ملنے والی خبر چونکا دینے والی ہے، پی کے 8303 میں اپنے پیاروں کو کھونے والوں سے ہمدردی ہے، اس خوفناک حادثے کے تمام متاثرین کے دکھ میں شریک ہیں، کینیڈین عوام آج آپ کو اپنی دعاؤں میں یاد رکھیں گے۔
دوسری طرف اوآئی سی کے سیکرٹری جنرل ڈاکٹر یوسف العثیمین نے بھی طیارے حادثے پر افسوس کا اظہار کرتے ہوئے کہا کہ طیارے کو پیش آنے والے حادثے کا سن کر دلی صدمہ پہنچا۔
#OIC Secretary General Dr Yousef Al-Othaimeen, expressed his heartfelt sorrow and grief over the crash of a #Pakistani International Airlines (PIA) plane in a residential area near Karachi airport on 22 May 2020. #pakistanplanecrash #pakistan #planecrash pic.twitter.com/AcpNSt6ETd
— OIC (@OIC_OCI) May 22, 2020
The Secretary General offered his sincere condolences and profound sympathy to the government and people of the Islamic Republic of #Pakistan, and through them to the bereaved families of the victims. #planecrash #pakistanplanecrash #OIC
— OIC (@OIC_OCI) May 22, 2020
Al-Othaimeen prayed to Allah to bless the victims with His infinite mercy and have them in His vast paradise, and to grant their families and loved ones fortitude and solace.
— OIC (@OIC_OCI) May 22, 2020
“To Allah we belong and to Him we shall return.” #planecrash #Pakistan #pakistanplanecrash #OIC
سیکرٹری جنرل او آئی سی کا کہنا تھا کہ پاکستانی حکومت اور عوام کے دکھ میں شریک ہیں، مرحومین کے لیے رحمت اور لواحقین کے لیے صبر کی دعا مانگتے ہیں۔
مزید برآں کینیڈا، سوئٹزرلینڈ، ہالینڈ اور سری لنکا کے وزرائے خارجہ نے وزیر خارجہ شاہ محمود قریشی سے ٹیلیفونک رابطہ کیا ہے۔
وزارائے خارجہ کا قیمتی جانوں کے ضیاع پر حکومت پاکستان اور پاکستانی عوام کیساتھ اظہار یکجہتی
— PTV News (@PTVNewsOfficial) May 22, 2020
وزیر خارجہ کادکھ کی اس گھڑی میں اظہار یکجہتی پر چاروں وزرائے خارجہ کا شکریہ ادا کیا pic.twitter.com/izubpCTuCj
چاروں وزرائے خارجہ نے المناک طیارہ حادثے پر دکھ کا اظہار کیا ہے اور وزرائے خارجہ نے قیمتی جانوں کے ضیاع پر حکومت اور عوام کے ساتھ اظہار یکجہتی کیا جبکہ وزیر خارجہ نے دکھ کی اس گھڑی میں اظہار یکجہتی پر شکریہ ادا کیا۔
I thank world leaders for reaching out to condole over the tragic air crash and loss of precious lives. The people of Pakistan value this support and solidarity in our hour of grief.
— Imran Khan (@ImranKhanPTI) May 22, 2020
دوسری طرف وزیراعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے لکھا کہ عالمی رہنمائوں کا طیارہ کریش سانحہ پر قیمتی جانوں کے نقصان پر اظہار افسوس کرنے پر شکریہ ادا کرتاہوں، پاکستانی عوام مشکل کی اس گھڑی میں عالمی رہنمائوں کی جانب سے حمایت کو قدر کی نگاہ سے دیکھتی ہے۔
