روسی حکام نے کہا ہے کہ امریکا میں تعینات سفیر اناطولی اینتونوف سے مشاورت کی جائے گی کہ اس صورت حال میں کس سمت میں آگے بڑھا جائے۔ ماسکو نے کہا ہے واشنگٹن سے بگڑتے تعلقات اس مقام پر جانے سے روکنا چاہتا ہے جہاں سے واپسی ممکن نہ ہو۔

گذشتہ روز امریکی صدر جو بائیڈن نے کہا تھا کہ 2020 کے صدارتی الیکشن میں مداخلت پر روس کو قیمت چکانا پڑے گی۔ صدر بائیڈن نے روسی ہم منصب کو قاتل بھی قرار دیا تھا۔

روس کے سپیکر نے پیوٹن کو قاتل کہنے پر رد عمل دیتے ہوئے کہا کہ روسی صدر پیوٹن کو قاتل کہنا روس پر حملہ ہے، جو بائیڈن نے روسی عوام کی توہین کی ہے۔