گیارہ روزہ اسرائیلی بربریت، غزہ کھنڈرات میں تبدیل، 66 بچوں سمیت 232 فلسطینی شہید ہوئے

Published On 21 May,2021 01:29 pm

غزہ: (دنیا نیوز) گیارہ روزہ صیہونی بربریت کے دوران غزہ کھنڈرات میں تبدیل ہو گیا، اسرائیل کے حملوں میں 66 بچوں سمیت 232 فلسطینی شہید ہوئے، 19سو سے زائد شدید زخمی ہوئے۔ اقوام متحدہ کے مطابق 90 ہزار سے زائد افراد بے گھر ہوئے۔

فلسطینی علاقوں پر اسرائیلی حملے تو رک گئے تاہم غزہ بربادی اور تباہی کی تصویر بن گیا، جابجا بربادی کے مناظر ہیں۔ اسرائیلی بمباری سے 450 سے زائد بڑی عمارتیں زمین بوس ہو گئیں۔ صہیونی فورسز نے ایک ہزار 335 گھروں کو تباہ کردیا، 13 ہزار کو جزوی نقصان پہنچا، اٹھاون اسکول تباہ ہو گئے، ڈھائی لاکھ لوگوں کو پانی کی فراہمی بند ہو گئی۔ اقوام متحدہ کے مطابق 90 ہزار سے زائد افراد بے گھر ہوئے ہیں۔

غزہ میں قائم صحت کے نظام کو زبردست نقصان پہنچا، اسرائیل نے غزہ میں قائم صنعتی زون کو بھی تباہ کر دیا۔ اسرائیلی بربریت کے نتیجے میں غزہ کو 322 ملین ڈالر کا نقصان ہوچکا ہے۔