پیانگ یانگ: (دنیا نیوز) شمالی کوریا میں شدید بارشوں کے بعد آنے والے سیلاب سے بڑا علاقہ زیر آب آگیا، سیکڑوں گھر ڈوب گئے، ہزاروں افراد کو انخلا کرنا پڑا۔
شمالی کوریا کے سرکاری ٹی وی کے مطابق سیلاب کی وجہ سے بڑا رقبہ زیر آب آ گیا، سیکڑوں گھر سیلابی پانی میں ڈوب گئے ، کئی پل تباہ ہو گئے، فصلیں بھی پانی میں ڈوب گئیں۔
دریاؤں میں طغیانی کی وجہ سے متاثرہ علاقوں سے ہزاروں افراد کو نکال لیا گیا ہے، محکمہ موسمیات کے حکام نے مزید بارشوں کی پیش گوئی کی ہے۔
