لدھیانہ:(ویب ڈیسک)بھارتی پنجاب کے شہرلدھیانہ کی عدالت میں زوردار دھماکے سے 2ہلاک اور 4افراد زخمی ہوگئے ہیں۔
بھارتی میڈیا رپورٹس کے مطابق لدھیانہ ڈسٹرکٹ کورٹ کمپلیکس میں دھماکہ ہوا جبکہ موقع پر موجود ایک وکیل کا کہنا تھا کہ دھماکہ دوسری منزل پر عوامی واش روم کے اندر اس وقت ہوا جب ضلعی عدالت کام کر رہی تھی۔
لدھیانہ کے پولیس کمشنر گرپریت سنگھ بھلر نے کہا کہ علاقے کو سیل کر دیا گیا ہے اور فرانزک ٹیمیں دھماکے کی جگہ سے نمونے جمع کریں گی۔
Scenes after a blast took place at Ludhiana District Court Complex on Thursday. Express video by @GurmeetExpress pic.twitter.com/UHhLBiSSsP
— Express Punjab (@iepunjab) December 23, 2021
ابتدائی تحقیقات سے متعلق ایک سوال کے جواب میں بھلر نے کہا کہ ابھی تک دھماکے کا کی وجہ معلوم نہیں ہوسکی جبکہ دھماکے کے بعد ایک لاش برآمد ہوئی ہے۔ وہ شخص یا تو دھماکہ خیز مواد لے جا رہا تھا یا اس کے بہت قریب تھا،ہم دہلی سے این ایس جی ٹیم کی آمد کا انتظار کر رہے ہیں۔
گرپریت سنگھ کے مطابق دھماکے کے نتیجے زخمی ہونے والے 5افراد کو ہسپتال منتقل کیا گیا جہاں پر ایک شخص زخموں کی تاب نہ لاتے ہوئے ہلاک ہوگیا۔
بھارتی پنجاب کے وزیراعلیٰ چرن جیت سنگھ چنی نے ٹوئٹر پر لکھا کہ لدھیانہ کی عدالت میں دھماکے کی خبر سن کر افسوس ہوا،میں لوگوں کو یقین دلاتا ہوں اس واقعے میں ملوث افراد کو نہیں چھوڑا جائے گا ،امن و امان کو سبوتاژ کرنے والوں کو قانون کے کٹہرے میں لایا جائے گا۔
Saddened over the news of blast at Ludhiana court complex. I m reaching the blast site shortly and I assure the people of the state that the guilty would not be spared. Anybody trying to disturb the peace and harmony of the state, will be taken to task
— Charanjit S Channi (@CHARANJITCHANNI) December 23, 2021
