نیویارک: (ویب ڈیسک) امریکی صدر جوزف بائیڈن ملک میں بڑھتی ہوئی مہنگائی سے متعلق سوال پر طیش میں آگئے اور مائیک کھلے ہونے کا احساس کیے بغیر صحافی کو گالی دیدی۔
غیر ملکی میڈیا کے مطابق امریکی صدر صحافیوں سے گفتگو کر رہے تھے اور اختتام پر ان کے سخت ناقد چینل فوکس نیوز کی جانب سے صحافی نے مہنگائی سے متعلق سوال کیا۔
فوکس نیوز کے صحافی کے سوال پر کیا مہنگائی کی ذمہ دار حکومت نہیں؟ اس پر جواب دیتے ہوئے انہوں نے طنزیہ انداز میں کہا کہ جی نہیں، مہنگائی اثاثہ ہے۔ اس کے بعد سب اُٹھ گئے۔
POTTY MOUTH: Raging Biden curses out Fox News Peter Doocy as he takes his bitterness towards the press to a new level. https://t.co/lqabh9ilRi pic.twitter.com/axonuLLTdu
— Fox News (@FoxNews) January 25, 2022
اسی دوران جوبائیڈن یہ سمجھے کہ مائیک بند کردیا گیا ہے اور انھوں نے آہستہ سے صحافی کو احمق کہا اور نازیبا الفاظ ادا کیے جو اس وقت شور شرابے میں کسی کو سنائی نہیں دیئے۔
البتہ جب بعد میں پریس کانفرنس کی ریکارڈنگ سنی گئی اور ویڈیوز کلپس وائرل ہوئیں تو بھانڈہ پھوٹ گیا۔
Official WH transcript. Just adds a certain something. pic.twitter.com/azb5jOAl6e
— Katie Rogers (@katierogers) January 25, 2022
