کابل: (دنیا نیوز) افغانستان میں طالبان حکومت کے ترجمان ذبیح اللہ مجاہد نے کہا ہے کہ اقوام متحدہ اور مغربی ممالک کو اپنے نمائندوں کو غیر ذمہ دارانہ اور اشتعال انگیز بیانات دینے سے روکنا چاہئے۔
سماجی رابطوں کی ویب سائٹ ٹویٹر پر اپنے ٹویٹ میں ذبیح اللہ مجاہد نے لکھا کہ اقوام متحدہ کے ہائی کمیشن برائے انسانی حقوق کے ترجمان اور مغربی ممالک کے نمائندوں کی جانب سے کوڑوں کی سزا کو “غیر انسانی اور ظالمانہ فعل‘‘ قرار دینا مقدس مذہب اسلام کی توہین اور عالمی معیارات کے منافی ہے۔
گزشتہ روز انسانی حقوق کی تنظیموں نے ملا ہبتہ اللہ اخوندزادہ کے حکم پر خواتین سمیت 14 افراد کو کوڑے مارنے کی سزا کو ظالمانہ فعل اور غیر انسانی رویہ قرار دیا تھا۔
