نیودہلی : (ویب ڈیسک ) سفاک ملزم نے 64 سالہ اپنی بیوہ خالہ کو قتل کر کے لاش کے 10 ٹکڑے کردیے۔
بھارتی میڈیا کے مطابق یہ خوفناک واقعہ دہلی کے نواحی علاقے میں پیش آیا جہاں 32 سالہ انوج شرما نے تقریب میں جانے کی اجازت نہ دینے پر اپنی خالہ کو سر پر ہتھوڑا مار کر قتل کردیا۔
خالہ کی عمر 64 سال تھی اور ان کے شوہر کا انتقال ہوچکا ہے۔ کوئی اولاد نہ ہونے کے باعث بھانجے کو اپنے ہمراہ رکھا ہوا تھا جو بعد میں سفاک قاتل ثابت ہوا۔
ملزم نے لاش کے ٹکڑوں کو شاپنگ بیگز میں رکھا اور پھر سوٹ کیس اور بالٹی میں لے جاکر زمین میں گاڑھ دیا۔
قاتل بھانجا نے لاش کے ٹکڑوں کو چھپانے کے بعد تھانے جاکر خالہ کی گمشدگی کی رپورٹ درج کرائی اور رشتے داروں کے ہمراہ گلی محلوں میں انھیں ڈھونڈتا بھی رہا۔
پولیس نے تفتیش کی تو انوج شرما نے متضاد بیانات دیئے جس پر پولیس نے شک میں اسے گرفتار کرلیا جہاں ملزم نے اپنی زبان کھول دی اور لاش کے ٹکڑے بھی برآمد کرادیئے۔
