تہران : (ویب ڈیسک ) ایران کے مرکزی شہر اصفہان میں دفاعی تنصیب پر ڈرون حملوں کی کوشش ناکام بنادی گئی ہے ۔
ایرانی نیوز ایجنسی کے مطابق ایران کے مرکزی شہر اصفہان کی دفاعی تنصیب پر دھماکوں کی آوازیں سنی گئی تھیں ، جس کے بعد ایرانی حکام نے تصدیق کی ہے کہ وزارت دفاع کے ایک ورکشاپ کمپلیکس پر ڈرون حملے کی کوشش ناکام بنادی گئی ہے۔
ایرانی حکام کا کہنا ہے کہ اصفہان میں وزارت دفاع کے ایک ورکشاپ کمپلیکس پر حملے کی کوشش کی گئی ، ایرانی سیکیورٹی فورسز کا کہنا ہے کہ حملے میں مائیکرو برڈز کا استعمال کیا گیا، ایک مائیکرو برڈ کو ایئرڈیفنس نے مار گرایا گیا جبکہ دو پھٹ گئے۔
#BREAKING Several Isfahan citizens told @IranIntl they have heard at least "three or four explosions".
— Iran International English (@IranIntl_En) January 28, 2023
Meanwhile, Telegram channels affiliated to IRGC are sharing this video with the caption "the moment a drone hits the Iranian Defense Ministry s ammunition facility in Isfahan". pic.twitter.com/tb9tHJOCKq
اصفہان صوبے کے نائب گورنر محمد رضا جان ناصری نے سرکاری ٹیلی ویژن کو تصدیق کی کہ مبینہ حملے کی تحقیقات جاری ہیں جس میں کوئی جانی نقصان نہیں ہوا ، تاہم حکام نے شہر کے شمال میں ہدف بنائے گئی فوجی تنصیب پر ہونے والی سرگرمیوں کے بارے میں کوئی تفصیل نہیں بتائی۔
خبر رساں ادارے کے مطابق علاقے میں ایران کے جوہری تحقیق کی کئی تنصیبات واقع ہیں جن میں یورینیم کی افزودگی کا پلانٹ شامل ہے۔
اپریل 2021 میں تہران نے اعلان کیا تھا کہ اس نے صوبہ اصفہان میں نطنز کے مقام پر 60 فیصد افزودہ یورینیم کی پیداوار شروع کر دی ہے۔
واضح رہے کہ ایران، یورپی یونین اور چھ بڑی طاقتوں کے درمیان 2015 کے جوہری معاہدے کو بحال کرنے کے لیے مذاکرات تعطل کا شکار ہیں۔
