غزہ: (دنیا نیوز) صیہونی فورسز نے الشفاء ہسپتال سے نکلنے والے ایمبولینسز قافلے پر حملہ کر کے بچوں اور خواتین سمیت 14 افراد کو شہید کر دیا۔
فلسطینی وزارت صحت کے مطابق اسرائیلی فورسز نے زخمیوں سے بھری ایمبولینس کے قافلے کو نشانہ بنایا، ایمبولینس کا قافلہ زخمیوں کو غزہ کی رفح کراسنگ سے مصر لے جا رہا تھا۔
وزارت صحت نے بتایا کہ ایمبولینس میں موجود مریضوں کو طبی امداد کیلئے روانہ کیا گیا تھا، اسرائیلی حملے میں درجنوں افراد زخمی بھی ہو چکے ہیں۔
