بیجنگ: (ویب ڈیسک) چین میں خاتون کو 17 بچوں کے اغوا اور سمگلنگ کے جرم میں پھانسی دے دی گئی۔
عالمی میڈیا کی رپورٹ کے مطابق یو ہوائنگ نامی خاتون کو عدالت کی طرف سے سنائی گئی سزائے موت پر عملدرآمد کیا گیا، چین کے جنوب مغربی صوبہ گوئژو کی گیانگ انٹرمیڈیٹ پیپلز کورٹ نے سپریم پیپلز کورٹ کی طرف سے موت کی سزا کی منظوری دی تھی۔
یو ہوائنگ نے اپنے ساتھیوں کے ساتھ مل کر گوئژو، چونگ کنگ اور ینان سے اغوا کئے گئے بچوں کو 1993ء سے 2003ء کے درمیان فروخت کر دیا تھا، یو ہوائنگ کو 25 اکتوبر 2024ء کوعدالت کی طرف سے سزائے موت سنائی گئی تھی۔
اس سزا کے خلاف اپیل گز ہاؤکی صوبائی اعلیٰ عوامی عدالت نے مسترد کر دی، عدالت کے فیصلہ کے مطابق یو ہوائنگ کی تمام ذاتی جائیداد بھی ضبط کر لی گئی۔
