تل ابیب: (ویب ڈیسک) اسرائیلی وزیر خارجہ گیڈئین سار نے جنگ بندی کے دوسرے مرحلے کیلئے شرط رکھ دی۔
اسرائیلی وزیر خارجہ گیڈئین سار نے کہا کہ دوسرے مرحلے کیلئے غزہ کو غیر مسلح ہونے اور اسرائیلی قیدیوں کی واپسی لازمی شرط ہے، حماس اور اسلامی جہاد کو مکمل طور پر بے دخل کیا جائے، ہمارے قیدی واپس کئے جائیں، اگر وہ اس پر راضی ہوں تو ہم کل ہی اس پر عمل درآمد کر سکتے ہیں۔
حماس نے اسرائیلی وزیر خارجہ کا بیان مسترد کر دیا اور کہا کہ غزہ کی مزاحمتی فورسز کے ہتھیاروں کی بات کرنا احمقانہ ہے، مزاحمتی فورسز کو غیر مسلح کرنا ریڈ لائن ہے،غزہ کی تعمیر نو یا امداد کیلئے غیر مسلح ہونے کو قبول نہیں کریں گے۔
