سری نگر: (دنیا نیوز) بھارتی چینل ریپبلک ٹی وی پاکستان اور مسلمانوں کیخلاف نفرت پھیلانے میں ہمیشہ سب سے آگے رہا، اب ریپبلک ٹی وی کی حقیقت منظر عام پر آ گئی۔
ارناب گوسوامی جیسے انتہاپسند صحافی کے زیر نگرانی چینل نے ہمیشہ جھوٹا اور نفرت انگیز پروپیگنڈا ہی پھیلایا، ارناب گوسوامی اور ریپبلک ٹی وی کی حقیقت خود بھارتی شہری نے عیاں کر دی۔
ریپبلک ٹی وی کے اینکر کو بھارتی شہری نے انٹرویو دینے کی کوشش کی تو اس سے منفی بولنے کا مطالبہ کیا گیا۔
بھارتی شہری نے بتایا کہ اینکر نے کشمیری عوام کے متعلق جھوٹی اور منفی باتیں کہنے کا کہا تو میں نے انکار کردیا، یہاں ایسا کچھ ہے ہی نہیں تو میں ایسا جھوٹ کیوں بولوں۔
بھارتی شہری نے کہا کہ یہاں ہمارے کشمیری بھائی ہمیں کھانے اور رہنے کی دعوت دے رہے ہیں۔
