واشنگٹن: (دنیا نیوز) امریکی میڈیا نے سابق امریکی عہدیدار کے حوالے سے دعویٰ کیا ہے کہ ٹرمپ انتظامیہ غزہ سے 10لاکھ فلسطینیوں کو مستقل طور پر لیبیا منتقل کرنے کے منصوبے پر کام کر رہی ہے۔
خبر ایجنسی کے مطابق امریکا نے لیبیا کی قیادت کے ساتھ تبادلہ خیال بھی کیا ہے، فلسطینیوں کی آبادکاری کے بدلے ٹرمپ انتظامیہ لیبیا کے منجمد اربوں ڈالر بحال کرے گی، امریکا نے ایک دہائی قبل لیبیا کے اربوں ڈالر کو منجمد کیا تھا۔
خبر ایجنسی نے مزید بتایا کہ اسرائیل فلسطین تنازع کے دو ریاستی حل پر کانفرنس(آج) 17 سے20جون تک ہوگی، کانفرنس فرانس، سعودی عرب کی حمایت سے اقوام متحدہ ہیڈ کوارٹرز میں ہوگی۔
امریکی میڈیا کا مزید کہنا تھا کہ کانفرنس کا انعقاد یو این جنرل اسمبلی فرانس اور سعودی عرب کے مشترکہ صدارت میں کرے گی۔
