اسلام آباد: (ویب ڈیسک) پہلگام فالز فلیگ، بے بنیاد گرفتاریاں، جھوٹے الزامات سے مودی سرکار کی پاکستان دشمن مہم بے نقاب ہوگئی۔
مودی سرکار کا اندرونی انتشار اور سکیورٹی ناکامیوں سے توجہ ہٹانے کے لیے پاکستان پر بے بنیاد الزامات کا سلسلہ جاری ہے۔
ٹھوس ثبوت اور شواہد کی عدم موجودگی کے باوجود پاکستان پر الزام تراشی جاری ہے، بھارت میں پہلگام فالز فلیگ کی بنیاد پر گرفتاریوں کا سلسلہ تاحال تھم نہ سکا، فالز فلیگ آپریشنز اور الزام تراشیاں مودی کا سیاسی ہتھیار بن چکی ہیں۔
بے بنیاد الزامات اور بغیر کسی ثبوت کے آئے روز مودی کے زیرِ سرپرستی پولیس کے ہاتھوں نہتے عوام نشانے پر ہیں، حالیہ آپریشن سندور میں ہوئی ہزیمت چھپانے کے لیے مودی سرکار کی جانب سے بے گناہ شہریوں کی بلا ثبوت گرفتاریاں کی جارہی ہیں۔
25 جون کو بھارتی نیول ہیڈکوارٹرز کے کلرک کو بغیر کسی ٹھوس ثبوت کے پاکستان کے لیے جاسوسی میں ملوث ہونے پر گرفتار کر لیا گیا، کلرک وشال یادو کی گرفتاری کے بعد انٹیلیجنس ونگ نے وجوہات ظاہر کرنے سے گریز کیا۔
این ڈی ٹی وی کے مطابق گرفتار کلرک کا تعلق ہریانہ سے ہے، نیوی ہیڈکوارٹر میں اپر ڈویژن کلرک کے طور پر تعینات تھا، وشال یادو کی گرفتاری کے باوجود اب تک واضح نہیں ہوسکا کہ مبینہ طور پر فراہم کردہ معلومات کی نوعیت کیا تھی، سنگین الزامات کے باوجود شواہد اور تفصیلات منظرِ عام پر نہیں لائی گئیں، وشال یادو پر الزام ہے کہ اس نے نے مبینہ طور پر آپریشن سندور کے دوران حساس معلومات شیئر کیں۔
اس سے قبل مودی سرکار نے بی جے پی کی حامی یوٹیوبر پر پاکستان کےلیے جاسوسی کا بے بنیاد الزام عائد کیا تھا، بغیر شواہد پاکستان پر الزام تراشی، بھارتی سکیورٹی اداروں کی پیشہ ورانہ ناکامی کا ثبوت ہے۔
مودی راج میں فالز فلیگ، الزام تراشی، اور میڈیا ٹرائل بھارتی ریاستی پالیسی بن چکی ہے، بی جے پی حکومت کی طے شدہ منصوبے کے تحت پاکستان کو عالمی سطح پر بدنام کرنے کی ناکام کوششیں جاری ہیں۔
.jpg)
