تہران: (ویب ڈیسک) ایرانی وزیرخارجہ عباس عراقچی کا کہنا ہے کہ یورینیم افزودگی قومی عزت کا سوال ہے، ایران جوہری افزودگی پروگرام سے دستبردار نہیں ہوگا۔
امریکی میڈیا کو انٹرویو میں انہوں نے کہا امریکی حملوں سے ایران کی جوہری تنصیبات کو شدید نقصان پہنچا، بین الاقوامی پابندیوں کی دھمکیوں کے باوجود افزودگی رُکوانے کے امریکی عزائم پورے ہونے کا امکان نہیں۔
ادھر امریکی صدر ٹرمپ نے ایرانی جوہری تنصیبات کو نقصان پہنچنے کے بیان پر ردعمل میں کہا کہ یقیناً ایسا ہوا، میں نے تو بتایا تھا اور ضرورت پڑی تو ہم دوبارہ بھی یہی کریں گے۔
