تہران: (دنیا نیوز) ایران نے کہا ہے کہ عالمی جوہری ادارے کے ساتھ تعاون کے نئے فریم ورک پر بات چیت ہوگی۔
تہران سے ایرانی وزارت خارجہ کے ترجمان اسماعیل بقائی نے کہا کہ فریم ورک پر بات چیت کے لیے عالمی ادارے کے نائب ڈائریکٹر جنرل جلد ایران کا دورہ کریں گے۔
ایرانی ترجمان نے کہا کہ عالمی جوہری ادارے کے نائب ڈائریکٹر کے دورے میں ان تنصیبات کا معائنہ شامل نہیں ہوگا جنہیں حالیہ حملوں میں نقصان پہنچا۔
انھوں نے کہا کہ امریکا اور اسرائیل کے ایران کی جوہری تنصیبات پر حالیہ غیرقانونی حملوں کی وجہ سے عالمی جوہری ادارے سے تعاون متاثر ہوا۔
ترجمان نے مزید کہا کہ یورپی ممالک کی جانب سے سنیپ بیک میکنزم کو دوبارہ فعال کرنے کا کوئی جواز نہیں، اگر یورپی ممالک قرار داد میں توسیع کی تجویز پیش کرتے ہیں تو وہ بے بنیاد اور ناقابل قبول ہوگی۔
