بیجنگ: (ویب ڈیسک) چین نے صوبہ سیچوان کے شی چانگ سیٹلائٹ لانچ سینٹر سے نیا تجرباتی سیٹلائٹ خلا میں بھیج دیا۔
عالمی میڈیا کے مطابق چائنہ سینٹرل ٹیلی ویژن (سی سی ٹی وی) کی رپورٹ میں بتایا گیا کہ ’’شی یان-28 بی 02‘‘سیٹلائٹ کو مقامی وقت کے مطابق 4 بجکر 55 منٹ پر لانگ مارچ-4 سی کیریئر راکٹ کے ذریعے لانچ کیا گیا جو کامیابی کے ساتھ اپنے مقررہ مدار میں داخل ہو گیا ہے۔
یہ سیٹلائٹ بنیادی طور پر خلائی ماحول کی کھوج اور متعلقہ ٹیکنالوجی کے تجربات کے لئے استعمال ہوگا، یہ لانچ لانگ مارچ کیریئر راکٹ سیریز کا 589 واں مشن ہے۔
