واشنگٹن: (دنیا نیوز) امریکی صدر نے سرجیوگور کو بھارت میں نیا سفیر نامزد کر دیا۔
امریکی صدر ڈونلڈ ٹرمپ نے سرجیوگور کو جنوب اور وسط ایشیائی امور کیلئے خصوصی مندوب بھی مقرر کیا ہے، سرجیو گور اس وقت وائٹ ہاؤس میں صدارتی پرسنل آفس کی حیثیت سے خدمات سرانجام دے رہے ہیں۔
امریکی صدر ڈونلڈ ٹرمپ کا کہنا ہے گور سینیٹ سے توثیق تک فرائض انجام دیتے رہیں گے، سرجیو ان کے قریبی دوست ہیں جوکئی برسوں سے ساتھ ہیں، انہوں نے صدارتی مہم میں بھی ساتھ دیا، کتاب کی اشاعت میں بھی کردار ادا کیا۔
