ہانگ کانگ: (دنیا نیوز) ہانگ کانگ کے شمالی علاقے میں واقع کثیرالمنزلہ رہائشی ٹاور میں آتشزدگی سے ہلاکتوں کی تعداد 94 تک پہنچ گئی ہے۔
غیر ملکی خبر ایجنسی کے مطابق آتشزدگی کے واقعے میں 51 افراد موقع پر ہی ہلاک ہو گئے تھے جبکہ دیگر نے دوران علاج ہسپتال میں دم توڑا، زخمیوں کی تعداد بھی 76 ہو چکی ہے جبکہ ابھی تک 279 افراد لاپتہ ہیں۔
خیال رہے کہ رہائشی ٹاور 8 بلاکس پر مشتمل ہے جس کی ہر عمارت 31 منزلہ ہے اور یہاں مجموعی طور پر لگ بھگ 2 ہزار اپارٹمنٹس اور تقریباً 5 ہزار کے قریب افراد رہائش پذیر ہیں۔
