کیف: (دنیا نیوز) یوکرین کے صدر ولادیمیر زیلنسکی نے کہا ہے کہ امریکا چاہتا ہے یوکرین ڈونباس سے مکمل دستبردار ہوجائے۔
صحافیوں سے گفتگو کرتے ہوئے یوکرینی صدر ولادیمیر زیلنسکی نے کہا کہ امریکی امن منصوبے سے متعلق غیر یقینی کی صورتحال ہے، جب تک اس بات کی ضمانت نہ دی جائے کہ روسی فوجی یوکرینی انخلا کے بعد اس علاقے پر قبضہ نہیں کریں گے تب تک ہم کچھ نہیں کہہ سکتے۔
ان کا کہنا تھا کہ روس کے ساتھ امن مذاکرات کے تحت یوکرین اس علاقے سے دستبردار ہوجائے گا، روس بھی اس علاقے پر قبضہ چاہتا ہے لیکن ہم ایسا نہیں ہونے دیں گے، اگر یوکرین اس طرح کے کسی منصوبے پر متفق ہوا بھی تو اسے عوامی رائے شماری یا انتخابات کے ذریعے توثیق کی ضرورت ہوگی۔
دوسری جانب نیٹو کے سیکرٹری جنرل نے دفاعی اخراجات اور پیداوار میں اضافے کی ضرورت پر زور دیتے ہوئے خبردار کیا کہ روس کا اگلا ہدف نیٹو اتحادی ممالک ہوسکتے ہیں جس کیلئے ہمیں تیار رہنا ہوگا اور اسے روکنا ہوگا۔
