کراچی: (دنیانیوز) چاول کی برآمدات 22 فیصد بڑھ گئی، ادارہ شماریات کے مطابق آٹھ ماہ میں 1 ارب 35 کروڑ ڈالر کا چاول دنیا بھر میں برآمد کیا گیا۔
دنیا کے مختلف ممالک پاکستانی چاول کے دیوانے، ادارہ شماریات کے مطابق جولائی سے فروری کے دوران چاول کی برآمدات 22 فیصد اضافے سے 1 ارب 35 کروڑ ڈالر تک پہنچ گئی، جبکہ گزشہ مالی سال کے اسی عرصے کے دوران 1 ارب ڈالر کے چاول برآمد کیے گئے تھے۔ رائس ایکسپورٹرز ایسوسی ایشن کے مطابق عالمی منڈی میں چاول کی طلب میں اضافہ ہوا ہے۔ پاکستانی چاول اپنے معیار اور کم قیمت کے باعث دنیا بھر میں پسند کیے جارہے ہیں۔ یہی وجہ ہے کہ پاکستانی چاول کی برآمدات میں اضافے کا رجحان جاری ہے۔
