تازہ ترین
  • بریکنگ :- اسلام آباد 10 فیصدسےزائد کورونا کیسزوالےاضلاع میں شامل
  • بریکنگ :- اسلام آباد میں کورونا مثبت کیسز کی شرح 11.8ہے
  • بریکنگ :- این سی او سی کے مطابق کورونا ایس او پیز جاری
  • بریکنگ :- ان ڈوراجتماع پر 24 جنوری سےمکمل پابندی ہوگی، نوٹیفکیشن
  • بریکنگ :- آؤٹ ڈورعوامی اجتماع پر 300 ویکسی نیٹڈافرادکےساتھ اجازت ہوگی
  • بریکنگ :- اسلام آبادمیں ان ڈورشادیوں پر 24 جنوری سےپابندی ہوگی،نوٹیفکیشن
  • بریکنگ :- آؤٹ ڈورشادیوں کیلئے 300 ویکسی نیٹڈافراد کے ساتھ اجازت ہوگی
  • بریکنگ :- شادیوں کی تقریبات سےمتعلق پابندیاں 15فروری تک جاری رہیں گی،نوٹیفکیشن

پٹرول و ڈیزل کی قیمت میں 5 روپے فی لیٹر کمی کا امکان

Last Updated On 14 June,2019 11:25 am

کراچی: (دنیا نیوز) پٹرول و ڈیزل کی قیمت میں 5 روپے فی لیٹر کمی کا امکان ہے، دو ہفتوں کے دوران عالمی منڈی میں خام تیل 11 ڈالر فی بیرول تک سستا ہو گیا۔

چین اور امریکا کے درمیان تجارتی جنگ کے اثرات نمودار ہونے لگے، تجارتی سرگرمیاں ماند پڑنے لگیں تو عالمی منڈی میں خام تیل کی طلب بھی گھٹنا شروع ہو گئی۔ دو ہفتوں کے دوران برطانوی خام تیل 11 ڈالر کمی کے بعد 70 ڈالر فی بیرل جبکہ امریکی خام تیل 8 ڈالر کمی کے بعد 51 ڈالر فی بیرل میں ٹریڈ ہو رہا ہے۔

معاشی ماہرین کا کہنا ہے کہ عالمی منڈی میں خام تیل کی قیمتوں میں کمی ہونے کا بھر پور فائدہ پاکستانی عوام کو ہوگا، اگر یہاں ڈالر بھی مستحکم رہے اور عالمی منڈی میں خام تیل کی قیمتوں میں کمی کا سلسلہ جاری رہا تو آئندہ ماہ پٹرولیم مصنوعات کی قیمتوں میں 5 روپے فی لیٹر تک کمی ہوسکتی ہے۔ ماہرین کا مزید کہنا ہے کہ پٹرولیم مصنوعات کی قیمتوں میں کمی سے مہنگائی کا زور بھی کچھ حد تک ٹوٹ جائے گا۔