لاہور: (ویب ڈیسک) ملک بھر میں کاروباری ہفتے کے آخری روز انٹر بینک میں امریکی ڈالر مزید 5 پیسے سستا ہو گیا۔
تفصیلات کے مطابق رواں ہفتے کے آخری کاروباری روز روپے کے مقابلے میں امریکی ڈالر کی قدر میں 5 پیسے گراوٹ دیکھی گئی جس کے بعد امریکی کرنسی 155 روپے 29 پیسے کی سطح پر بند ہوئی۔
دوسری طرف انٹر بینک کے برعکس اوپن مارکیٹ میں امریکی ڈالر کی قدر مستحکم رہی جس کے بعد روپے کے مقابلے میں امریکی کرنسی 155 روپے 40 پیسے پر برقرار رہی۔
