ٹیکس چوری کا پیسہ یو اے ای میں چھپانے والوں کے گرد گھیرا تنگ کرنے کی تیاریاں مکمل کر لی گئیں، ایف بی آر نے متحدہ عرب امارات کی وزارت خزانہ کو ایک اور مراسلہ جاری کر دیا ہے جس میں ایسے پاکستانی اقامہ ہولڈرز کی معلومات طلب کی گئیں ہیں جنہوں نے سرمایہ کاری کے غرض سے اقامہ حاصل کر رکھا ہے۔

ایف بی آر نے موقف اختیار کیا ہے کہ کئی افراد ٹیکس چوری کا پیسہ چھپا کر دھوکہ دہی سے درست مالی معلومات فراہم نہیں کرتے۔ ایف بی آر کے مطابق یواے ای کی وزات خزانہ کو پہلے بھی خط لکھا گیا جس کا اب تک کوئی جواب نہیں دیا گیا۔