لاہور: (ویب ڈیسک) ملک بھر میں روپے کے مقابلے میں امریکی ڈالر کی قدر میں 18 پیسے کی گراوٹ دیکھی گئی۔
تفصیلات کے مطابق ملک بھر میں رواں ہفتے کے پہلے دو کاروباری روز کے دوران ملک بھر میں امریکی ڈالر کی قدر میں اُتار چڑھاؤ دیکھنے کو مل رہا ہے۔
رواں ہفتے کے پہلے کاروباری روز کے دوران ڈالر کی قدر میں دس پیسے کی بڑھوتری دیکھی گئی تھی، روپے کے مقابلے میں ڈالر 165 روپے 79 پیسے سے بڑھ کر 165 روپے 89 پیسے ہو گیا تھا۔ دوسرے کاروباری روز کے دوران امریکی کرنسی ایک پیسہ سستا ہو کر 165 روپے 88 پیسے ہو گئی ہے۔
Interbank closing #ExchangeRate for today: https://t.co/M5scvs5rsC pic.twitter.com/kWyooHWWW6
— SBP (@StateBank_Pak) September 30, 2020
رواں ہفتے کے تیسرے کاروباری روزکے دوران سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں امریکی ڈالر 18 پیسے سستا ہو گیا اور امریکی کرنسی کی قیمت 165 روپے 88 پیسے سے کم ہو کر 165 روپے 70 پیسے ہو گئی ہے۔
