لاہور: (ویب ڈیسک) ملکی مقامی مارکیٹوں میں سونے کی قیمت میں بڑا اضافہ ہو گیا، فی تولہ 1600 روپے مہنگا ہو گیا۔
تفصیلات کے مطابق ملک بھر میں ایک مرتبہ پھر فی تولہ سونے کی قیمت میں اضافہ دیکھنے کو مل رہا ہے، گزشتہ روز صرافہ مارکیٹوں میں 350 روپے کا اضافہ ریکارڈ کیا گیا تھا۔
رواں ہفتے کے تیسرے کاروباری روز کے دوران بین الاقوامی مارکیٹ میں فی اونس سونا 30 امریکی ڈالر کے اضافے کے بعد 1831 امریکی ڈالر ہو گئی ہے۔
یہ بھی پڑھیں: فی تولہ سونے کی قیمت میں 350 روپے کا اضافہ
عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، کوئٹہ، گوجرانوالہ، راولپنڈی سمیت دیگر جگہوں پر فی تولہ سونے کی قیمت میں 1600 روپے کا بڑا اضافہ دیکھا گیا اور نئی قیمت 1 لاکھ 10 ہزار 800 روپے ہو گئی ہے۔
فی تولہ سونے کی طرح دس گرام سونے کی قیمت میں بھی 1372 روپے کا بڑا اضافہ دیکھا گیا اور صرافہ مارکیٹوں میں نئی قیمت 94993 روپے ہو گئی ہے۔
تاہم سونے کے برعکس چاندی کی قیمتوں میں استحکام رہا ہے، فی تولہ اور دس گرام چاندی کی قیمتیں 1200 روپے اور 1028.80 روپے پر برقرار ہے۔
