لاہور: (ویب ڈیسک) ملک بھر میں رواں ہفتے کے دوسرے کاروباری روز کے دوران سونے کی قیمتیں مستحکم رہیں۔
تفصیلات کے مطابق بین الاقوامی مارکیٹ میں فی اونس سونے کی قیمت میں 3 امریکی ڈالر کا اضافہ دیکھا گیا اور نئی قیمت 1734 امریکی کرنسی ہو گئی ہے۔
عالمی مارکیٹ میں قیمتیں بڑھنے کے برعکس ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر سمیت دیگر صرافہ مارکیٹوں میں فی تولے سونے کی قیمت میں کوئی اضافہ نہیں دیکھا گیا اور قیمت 1 لاکھ 7 ہزار 150 روپے کی سطح پر برقرار ہے۔
فی تولہ سونے کی دس گرام سونے کی قیمت بغیر کسی اضافے سے 91864 روپے کی سطح پر برقرار ہے۔
دوسری طرف فی تولہ اور دس گرام چاندی کی قیمتوں میں بھی کوئی ردو بدول نہیں دیکھا گیا اور قیمتیں 1370 روپے اور 1174.55 روپے کی سطح پر برقرار دیکھی گئیں۔
