لاہور: (ویب ڈیسک) کاروباری ہفتے کے تیسرے روز عالمی مارکیٹ میں سونے کی قیمت میں بڑا اضافہ ریکارڈ کیا گیا جبکہ پاکستان میں بھی قیمت بڑھی۔
عالمی مارکیٹ میں فی اونس سونے کی قیمت میں 29 ڈالر کا اضافہ ہوا جس کے بعد نئی قیمت 1862 ڈالر کی سطح پر آگئی جبکہ گزشتہ روز 9 ڈالر اضافہ بعد قیمت 1833 ڈالر تھی۔
مقامی صرافہ مارکیٹوں میں فی تولہ سونے کی قیمت میں 900 روپے کا اضافہ ریکارڈ کیا گیا ہے جس کے بعد نئی قیمت ایک لاکھ 88 ہزار 600 روپے ہو کر نئی بلند ترین سطح پر آگئی ہے۔
دس گرام سونے کی قیمت میں 772 روپے کا اضافہ ریکارڈ کیا گیا جس کے بعد نئی قیمت ایک لاکھ 61 ہزار 694 روپے کی سطح پر آ گئی۔
