اسلام آباد: (دنیا نیوز) ایشیائی ترقیاتی بینک نے کہا ہے کہ پاکستان سمیت وسطی ایشیائی علاقائی ممالک میں توانائی کی ضروریات 2030 تک 30 فیصد بڑھ جائیں گی۔
چین کے علاوہ کاریک ممالک میں بجلی کے ترسیلی ڈھانچہ کوبہتر بنانے کیلئے 25 سے لیکر 49 ارب ڈالرتک کی سرمایہ کاری کی ضرورت ہے اور خطے میں موسمیاتی تبدیلیوں کے بڑھتے ہوئے اثرات کے تناظرمیں ان ممالک کو اپنے کاربن کے اخراج میں نمایاں کمی کرنی چاہیے جبکہ صاف اور قابل تجدید توانائی کے ذرائع کی طرف منتقلی کو تیز کرنا چاہیے۔
اس حوالے سے ایشیائی ترقیاتی بینک کی جانب سے جاری کردہ کاریک آؤٹ لک رپورٹ 2030 میں بتایا گیا ہے کہ بڑھتی ہوئی آبادی کے ساتھ وسطی ایشیا اورعلاقائی ممالک کو اپنی ترقی کے لیے مزید توانائی کی ضرورت ہے۔
خطے میں موسمیاتی تبدیلیوں کے بڑھتے ہوئے اثرات کے تناظرمیں ان ممالک کو اپنے کاربن کے اخراج میں نمایاں کمی کرنی چاہیے جبکہ صاف اور قابل تجدید توانائی کے ذرائع کی طرف منتقلی کو تیز کرنا چاہیے۔
رپورٹ میں وسطی ایشیا اور قفقاز کے ساتھ ساتھ ہمسایہ ملک منگولیا، پاکستان اور عوامی جمہوریہ چین کی معیشتوں کا جائزہ لیا گیا ہے۔
