کراچی: (دنیا نیوز) پاکستان سٹاک ایکسچینج میں ایک لاکھ 14 ہزار پوائنٹس کی حد بھی بحال ہوگئی۔
کاروباری ہفتے کے پانچویں اور آخری روز سٹاک مارکیٹ میں کاروبار کے آغاز پر ہی تیزی دیکھنے میں آئی ہے۔
ٹریڈنگ کے دوران سٹاک ایکسچینج میں ہنڈرڈ انڈیکس 1000 سے زائد پوائنٹس کے اضافے کے ساتھ ایک لاکھ 14 ہزار 721 پوائنٹس کی حد کو چھو گیا، تاہم کاروباری دن کا اختتام پر سٹاک مارکیٹ میں انڈیکس 685 پوائنٹس بڑھ کر ایک لاکھ 14 ہزار 398 پوائنٹس پر بند ہوا۔
سٹاک ایکسچینج میں آج 40 کروڑ 40 لاکھ مالیت شیئرز کا کاروباری حجم 27 ارب 82 کروڑ روپے رہا۔
واضح رہے کہ گزشتہ کاروباری دن کے اختتام پر 1400 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 13 ہزار 713 پوائنٹس پر بند ہوا تھا۔
دوسری جانب انٹر بینک میں امریکی کرنسی مزید 7 پیسے سستی ہوئی جس کے ساتھ انٹربینک میں ڈالر 279.82 روپے سے کم ہو کر 279.75 روپے پر آگیا ہے۔
