کراچی: (دنیا نیوز) پاکستان سٹاک مارکیٹ میں اتار چڑھاؤ کا سلسلہ برقرار ہے، پہلے ٹریڈنگ سیشن کا منفی زون میں اختتام ہوا۔
کاروباری ہفتے کے پانچویں اور آخری روز کاروبار کے آغاز پر سٹاک ایکسچینج میں مندی دیکھنے میں آئی، 200 سے زائد پوائنٹس کی کمی کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 19 ہزار پوائنٹس کی حد کھو بیٹھا اور ایک لاکھ 18 ہزار 723 پوائنٹس کی کم ترین سطح پر پہنچ گیا ہے۔
ٹریڈنگ کے دوران اتار چڑھاؤ کا سلسلہ جاری رہا، تاہم پاکستان سٹاک مارکیٹ میں پہلے ٹریڈنگ سیشن کا اختتام منفی زون میں ہوا، انڈیکس 12 پوائنٹس کمی سے ایک لاکھ 19 ہزار 140 پوائنٹس کی حد پر بند ہوا۔
سٹاک ایکسچینج کے پہلے سیشن میں 15 کروڑ مالیت شیئرز کا کاروباری حجم 8 ارب روپے سے زائد رہا۔
واضح رہے کہ گزشتہ کاروباری دن کے اختتام پر سٹاک ایکسچینج میں ہنڈرڈ انڈیکس 778 پوائنٹس کی کمی کیساتھ ایک لاکھ 19 ہزار 153 پوائنٹس کی سطح پر بند ہوا تھا۔
دوسری جانب انٹربینک میں امریکی کرنسی کی قدر میں 16 پیسے کمی ہوئی، ڈالر 282.06 روپے سے کم ہو کر 281.90 روپے پر آگیا۔
