کراچی: (دنیا نیوز)پاکستان اسٹاک ایکسچینج میں ریکارڈ تیزی کی لہر دم توڑگئی، ٹریڈنگ کا اختتام منفی زون سے ہوگیا ۔
کاروباری ہفتے کے تیسرے روز کاروبار کے دوران سٹاک مارکیٹ میں شدید مندی دیکھنے میں آئی ہے، جس کے بعد ہنڈرڈ انڈیکس ایک لاکھ 33 ہزار پوائنٹس کی حد کھو بیٹھا۔
کاروباری روز کے اختتام پر ہنڈرڈ انڈیکس 826 پوائنٹس کی کمی کیساتھ ایک لاکھ 32 ہزار 576 پوائنٹس کی سطح پر بند ہوا۔
واضح رہے کہ گزشتہ کاروباری روز کا اختتام مثبت زون میں ہوا جس کے باعث ہنڈرڈ انڈیکس 33 پوائنٹس اضافے کیساتھ ایک لاکھ 33 ہزار 403 پوائنٹس کی سطح پر بند ہوا تھا۔
سٹاک مارکیٹ میں آج 14 ارب 59 کروڑ 41 لاکھ 83 ہزار 295 روپے مالیت کے 16 کروڑ 10 لاکھ 34 ہزار 774 شیئرز کا لین دین ہوا۔
