پنجاب حکومت نے 4 ماہ کیلئے چینی کی قیمتوں کا تعین کردیا

Published On 17 July,2025 05:36 pm

لاہور: (دنیا نیوز) چینی کے بڑھتی قیمتوں کے پیش نظر حکومت پنجاب کا بروقت اقدام، 4 ماہ کیلئے چینی کی ایکس مل اور پرچون کی قیمتوں کا تعین کردیا گیا۔

ڈی جی فوڈ/ کین کمشنر پنجاب کی جانب سے جاری نوٹیفکیشن کے مطابق 15 جولائی سے 14 اگست تک چینی کی ایکس مل قیمت 165 روپے اور پرچون 173 روپے فی کلو فروخت ہوگی، 15 اگست سے 14 ستمبر تک ایکس مل قیمت 167 روپے ،پرچون 175 روپے فی کلو فروخت ہوگی۔

نوٹیفکیشن میں کہا گیا کہ 15 ستمبر سے 14 اکتوبر تک ایکس مل قیمت 169 روپے اور پرچون 177 روپے فی کلو فروخت ہوگی جبکہ 15 اکتوبر سے ایکس مل قیمت 171 روپے اور پرچون 179 روپے فی کلو فروخت ہوگی۔

سیکرٹری پرائس کنٹرول ڈاکٹر احسان بھٹہ نے ڈی جی فوڈ کو مقررہ قیمتوں پر عملدرآمد کی ہدایات جاری کردیں۔