انگور، انار، سیب، ٹماٹر سستے، پاکستان اور افغانستان میں تجارتی معاہدے پر دستخط

اسلام آباد: (دنیا نیوز) پاکستان اور افغانستان کے درمیان تجارتی معاہدے پر باضابطہ دستخط کیے گئے۔

معاہدے کے تحت پاکستان کو 4 افغان برآمدی اشیاء میں ٹیرف کم ہوگا، پاکستان کو انگور، انار، سیب اور ٹماٹر کی برآمد پر ٹیرف کم ہوگا۔

طے پانے والے معاہدے کے تحت افغانستان کو بھی 4 پاکستانی برآمدی اشیاء پر ٹیرف کم ہوگا، افغانستان کو پاکستان سے آم، کینو، کیلے اور آلو کی برآمد پر ٹیرف کم ہوگا۔

پاکستان اور افغانستان کے درمیان ہونیوالے معاہدے کے مطابق ٹیرف کی شرح 60 فیصد سے کم کر کے 27 فیصد کر دی جائے گی۔