کراچی: (دنیا نیوز) پاکستان سٹاک مارکیٹ میں کاروبار کے دوران اتار چڑھاؤ کا سلسلہ برقرار ہے۔
کاروباری ہفتے کے چوتھے روز کاروبار کے آغاز پر سٹاک ایکسچینج میں مثبت رجحان دیکھا گیا، 200 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 39 ہزار 867 پوائنٹس کی سطح پر پہنچ گیا ہے۔
بعدازاں ٹریڈنگ کے دوران سٹاک ایکسچینج منفی زون میں چلی گئی، 400 سے زائد پوائنٹس کے ساتھ ہنڈرڈ انڈیکس ایک لاکھ 38 ہزار 835 پوائنٹس کی سطح پر ٹریڈ کر رہا ہے۔
واضح رہے کہ گزشتہ کاروباری روز کے اختتام پر انڈیکس 165 پوائنٹس کی کمی کیساتھ ایک لاکھ 39 ہزار 254 پوائنٹس کی سطح پر بند ہوا تھا۔
دوسری جانب انٹربینک مارکیٹ میں ٹریڈنگ کے دوران امریکی کرنسی 51 پیسے سستی ہوئی، ڈالر 284 روپے 76 پیسے سے کم ہو کر 284 روپے 25 پیسے کا ہوگیا۔
سٹیٹ بینک کے مطابق انٹربینک مارکیٹ میں ڈالر گزشتہ روز 284 روپے 76 پیسے پر بند ہوا تھا۔
