کراچی: (دنیا نیوز) ٹریڈنگ کارپوریشن آف پاکستان نے چینی درآمد کرنے کا ایک اور بڑا ٹینڈر جاری کر دیا۔
ٹریڈنگ کارپوریشن آف پاکستان نے 1 لاکھ میٹرک ٹن سفید چینی کا دوسرا بین الاقوامی ٹینڈر جاری کر دیا ، سفید چینی درآمد کرنے کی کم از کم بولی 25 ہزارمیڑک ٹن اور 50 کلو گرام نئے بیگ کے ساتھ ہوگی۔
21 اگست سے 5 ستمبر تک چینی درآمد کرنے کی اجازت ہوگی، تمام کارگو 30 ستمبر تک پہنچیں گے، چینی درآمد کرنے کیلئے 25 ہزار میٹرک ٹن کی دو شپمنٹ یا ایک 50 ہزار میٹرک ٹن شپمنٹ کی اجازت ہوگی۔
ٹی سی پی کے مطابق 31 جولائی تک کامیاب بولی دینے والے کو چینی درآمد کرنے پر 5 فیصد گارنٹی جمع کرانی ہوگی، اسرائیل اور بھارت سے سفید چینی درآمد کرنے پر مکمل پابندی ہوگی۔
نوٹیفکیشن کے مطابق چینی کی شپمنٹ میں تاخیر ہونے سے 0.25 ڈالر فی میٹرک ٹن یومیہ جرمانہ عائد کیا جائے گا۔
چینی درآمد کرنے کیلئے لیٹر آف کریڈٹ کی ذمہ داری ٹی سی پی کی ہوگی، سفید چینی کی درآمد کا معیار پی ایس کیو سی اے کے مطابق ہوگا۔
