اوگرا نے ایل پی جی کی قیمتوں میں کمی کردی

اسلام آباد: (دنیا نیوز) آئل اینڈ گیس ریگولیٹری اتھارٹی (اوگرا) نے ایل پی جی کی قیمتوں میں کمی کردی۔

اوگرا نے ایل پی جی کی قیمت میں 17 روپے 73 پیسے کمی کا نوٹیفکیشن جاری کردیا، جس کے مطابق ایل پی جی کا 11.8 کلو گرام کا گھریلو سلنڈر 209 روپے 24 پیسے سستا کیا گیا ہے اور اس کی نئی فی کلو قیمت 215 روپے 37 پیسے مقرر کی گئی ہے۔

نوٹیفکیشن کے مطابق ایل پی جی کے 11.8 کلو گرام سلنڈر کی نئی قیمت 2 ہزار 541 روپے ہوگی، ایل پی جی کی نئی قیمتوں کا اطلاق یکم اگست سے ہوگا۔