ای او بی آئی میں رجسٹرڈ مزدوروں کی میرج گرانٹ میں 100 فیصد اضافہ

اسلام آباد: (دنیا نیوز) وفاقی وزیر چودھری سالک حسین کی کوششوں سے مزدوروں کو بڑی خوشخبری مل گئی، رجسٹرڈ مزدوروں کی میرج گرانٹ میں سو فیصد اضافہ کر دیا گیا۔

ترجمان مصطفیٰ ملک نے کہا کہ ای او بی ائی میں رجسٹرڈ مزدوروں کی پینشن میں پندرہ فیصد اضافہ کر دیا گیا، مزدوروں کے لیے میرج گرانٹ میں سو فیصد اضافہ کیا گیا، مزدوروں کی ڈیتھ گرانٹ میں 50 فی صد اضافہ کر دیا گیا۔

مصطفی ملک نے کہا کہ چودھری سالک حسین مزدوروں کی فلاح و بہبود کیلئے پرعزم ہیں، خواہش ہے مزدروں کو عالمی معیار کی سہولیات ملیں، مزدور معیشت کی بحالی میں اہم کردار ادا کررہے ہیں، حکومت ملکی ترقی اور عوامی خوشحالی کے لیے ہر اقدام اٹھائے گی۔