اسلام آباد:(دنیا نیوز) وزیر خزانہ محمد اورنگزیب کی زیرصدارت ای سی سی کا اجلاس ہوا، اجلاس میں پاکستان سٹیل ملز کی زمین پر انڈسٹریل اسٹیٹ کے قیام کی منظوری دی گئی۔
ذرائع کے مطابق اقتصادی رابطہ کمیٹی میں وزارت صنعت و پیداوار کی سمری منظور سرکاری انگلش چینل کی اپ گریڈیشن کی سمری بھی منظور ہوئی۔
ذرائع نے مزید بتایا کہ ای سی سی نے 2.82 ارب کی تکنیکی ضمنی گرانٹ کی منظوری دیدی جب کہ لیدر کی امپورٹ، ایکپسورٹ کیلئے ہیلتھ سرٹیفکیٹ کی شرط ختم کردی گئی جبکہ وزارت موسمیاتی تبدیلی و ماحولیات کیلئے ضمنی تکنیکی گرانٹ بھی منظور کرلی۔
