اسلام آباد:(دنیا نیوز) وزارت قومی غذائی تحفظ و تحقیق کی چینی کی قیمتوں میں استحکام اور عوام کو ریلیف فراہم کرنے کے لیے دو لاکھ ٹن چینی درآمد کرنے کے فیصلے پر اہم پیشرفت سامنے آئی ہے۔
ترجمان کے مطابق چینی کی درآمد کا حتمی آرڈر دے دیا گیا ہے، چینی کی درآمد ٹینڈر کھلنے کے بعد حتمی مرحلے میں داخل ہوگی، چینی حکومت کی طرف سے درآمد کی جا رہی ہے، درآمد شدہ چینی کی پہلی شپمنٹ ستمبر 2025 کے اوائل میں پاکستان پہنچے گی۔
ترجمان نے بتایا کہ درآمد کا مقصد مارکیٹ میں چینی کی دستیابی کو یقینی بنانا اور قیمتوں میں توازن برقرار رکھنا ہے، حکومت کی جانب سے تشکیل دی گئی متعلقہ کمیٹی نے بین الاقوامی مارکیٹ میں خریداری کے وقت کامیابی سے ڈسکاؤنٹ بھی حاصل کیا۔
علاوہ ازیں درآمد شدہ چینی کی آمد سے مقامی مارکیٹ میں قیمتوں میں توازن برقرار رہے گا اور صارفین کو براہ راست فائدہ پہنچے گا۔
